Հունգարիայի կառավարությունը վերահաստատում է իր պատրաստակամությունը նպաստելու Ուկրաինայում խաղաղ կարգավորմանը և, անհրաժեշտության դեպքում, այդ նպատակով Բուդապեշտում կազմակերպելու ԱՄՆ-ի և Ռուսաստանի նախագահների հանդիպումը։ Այս մասին հայտարարել է Հունգարիայի արտաքին գործերի նախարար Պետեր Սիյարտոն երկուշաբթի օրը ԱՄՆ պետքարտուղար Մարկո Ռուբիոյի հետ հանդիպման ժամանակ։
Նա նշել է, որ ուկրաինական հակամարտության լուծումը ամերիկյան դիվանագիտության ղեկավարի հետ քննարկման հիմնական թեմաներից մեկն է, ով նաև կհանդիպի Հունգարիայի վարչապետ Վիկտոր Օրբանի հետ։
«Մենք ամեն կերպ կաջակցենք ամերիկյան խաղաղության ջանքերին», - վստահեցրել է արտգործնախարարը՝ Facebook-ում ։
«Մենք միակն ենք Եվրամիությունում, որ զենք չենք մատակարարել Ուկրաինային, մենք միակն ենք, որ դիվանագիտական ուղիները բաց ենք պահել Ռուսաստանի հետ, և մենք միակն ենք, որ պատրաստ ենք խաղաղության գագաթնաժողով անցկացնել», - հայտարարել է Սիյարտոն։
