Տոկիոն և Օտտավան Կիևին տրամադրել են 690 միլիոն դոլար ERA ծրագրի շրջանակներում, որը նախատեսում է պարտքի մարում՝ օգտագործելով սառեցված ռուսական ակտիվների տոկոսները: Այս մասին հայտնել է Ուկրաինայի ֆինանսների նախարարությունը։ «Ուկրաինան 690 միլիոն դոլարի դրամաշնորհ է ստացել Ճապոնիայից և Կանադայից՝ G7 ERA մեխանիզմի շրջանակներում:
Միջոցները ստացվել են G7 ERA մեխանիզմի շրջանակներում՝ Համաշխարհային բանկի PEACE in Ukraine ծրագրի միջոցով», - նշված է նախարարության կայքում։ Նախարարությունը պարզաբանել է, որ Ճապոնիան ներդրել է 544 միլիոն դոլար, իսկ Կանադան՝ 146 միլիոն դոլար:
Ուկրաինայի ֆինանսների նախարարությունը հիշեցրել է, որ փետրվարի 6-ին նախարարությունը և Համաշխարհային բանկը համաձայնագիր են ստորագրել «Ուկրաինայում կայուն պետական կառավարման պետական ծախսերի աջակցություն» (PEACE in Ukraine) նախագծի շրջանակներում դրամաշնորհային միջոցներ տրամադրելու վերաբերյալ։ Ավելի վաղ ԵՄ երկրները որոշել էին 2026-2027 թվականներին Ուկրաինային տրամադրել 90 միլիարդ եվրոյի ֆինանսավորում։
