ԱՄՆ վարչակազմը քննարկում է Թեհրանի նկատմամբ ճնշումը ուժեղացնելու տարբերակը՝ իրանական նավթ տեղափոխող տանկերները առգրավելու միջոցով։ Այդ մասին հայտնում է The Wall Street Journal-ը՝ հղում անելով իր աղբյուրներին։
Պարբերականի տվյալներով՝ Վաշինգտոնը այս կերպ ցանկանում է փորձել Իսլամական Հանրապետությանը մղել գործարքի կնքման, որը կսահմանափակի նրա միջուկային ծրագիրը։ Միաժամանակ, ԱՄՆ-ը դեռ չի դիմում նման քայլի, քանի որ մտահոգված է նավթի գների հնարավոր աճով և ենթադրում է, որ իրանական նավթով նավերի առգրավմանը կարող է հետևել Թեհրանի վճռական արձագանքը։
Սպիտակ տան պաշտոնյան, մեկնաբանելով WSJ-ի հարցումը այն մասին, թե արդյոք ԱՄՆ-ը կարող է գնալ նման քայլի, նշել է, որ ամերիկյան առաջնորդի տրամադրության տակ կան տարբեր գործողությունների տարբերակներ, եթե Իրանի հետ բանակցությունները տապալվեն։
