ԱՄՆ նախագահ Դոնալդ Թրամփը հայտարարել է, որ թույլ չի տա բացել Օնտարիոն Միչիգան նահանգի հետ կապող կամուրջը, քանի դեռ Կանադան Վաշինգտոնին չի փոխանցել օբյեկտի սեփականության իրավունքի առնվազն կեսը։
«Ես չեմ թույլատրի բացել այս կամուրջը, քանի դեռ Միացյալ Նահանգները չեն ստացել ամբողջական փոխհատուցում այն ամենի համար, ինչ մենք նրանց տվել ենք, ինչպես նաև քանի դեռ Կանադան չի սկսել վերաբերվել ԱՄՆ-ին այն արդարությամբ և հարգանքով, որոնց մենք արժանի ենք։ Մենք անմիջապես կսկսենք բանակցությունները։ Հաշվի առնելով այն ամենը, ինչ մենք նրանց տվել ենք, մենք պետք է տիրապետենք այս ակտիվի առնվազն կեսին»,-գրել է ամերիկացի առաջնորդը Truth Social սոցիալական ցանցում։
Նա ընդգծել է, որ առաջացած խնդրի մեղավորը ԱՄՆ նախկին նախագահ Բարաք Օբաման է, ով «անխոհեմաբար հրաժարվել է իրավունքներից, որպեսզի նրանք կարողանան շրջանցել օրենքը և չօգտագործել որևէ ամերիկյան արտադրանք, ներառյալ՝ պողպատը»։
