ՀՀ-ում ԱՄՆ դեսպանությունից ոչ ներգաղթային վիզայի դիմորդներին տեղեկացնում են, որ երբեմն, չնախատեսված հանգամանքների պատճառով դեսպանատունը կարող է վերանշանակել ձեր հարցազրույցի օրը՝ տեղեկացնելով այդ մասին համառոտ ծանուցման միջոցով:
«Թարմացումները բաց չթողնելու համար հորդորում ենք պարբերաբար ստուգել հարցազրույցի ամրագրման կայքէջի օգտահաշվում ձեր տրամադրած էլեկտրոնային հասցեն, ներառյալ «Spam» կամ «Junk» ենթաբաժինները: Լինելով տեղեկացված՝ դուք վստահաբար հարցազրույցի կներկայանաք ճիշտ օրը և ճիշտ ժամին: Մեկ այլ օր ներկայանալու դեպքում ձեր հարցազրույցը չի կայանա։ Շնորհակալ ենք ըմբռնումով մոտենալու համար»,- նշվում է հաղորդագրության մեջ։
