ԱՄՆ նախագահ Դոնալդ Թրամփը հայտարարել է, որ ունի մտահոգություններ սեփական անվտանգության վերաբերյալ, սակայն փորձում է չկենտրոնանալ նման մտքերի վրա։ «Ես մտահոգվում եմ այդ մասին, բայց անհրաժեշտ է դա դուրս հանել գլխից, հակառակ դեպքում, անհնար կլիներ կատարել իմ աշխատանքը», – ասել է ամերիկյան առաջնորդը NBC News հեռուստաալիքին տված հարցազրույցում՝ համապատասխան հարցին պատասխանելիս։
2024 թվականին Դոնալդ Թրամփը ենթարկվել է իր կյանքի դեմ ուղղված երկու մահափորձի։
Առաջինը տեղի է ունեցել հուլիսին՝ Փենսիլվանիա նահանգում անցկացվող նախընտրական հանրահավաքի ժամանակ, երբ դիպուկահարի արձակած գնդակը դիպել է քաղաքական գործչի ականջին։
Երկրորդ դեպքը տեղի է ունեցել սեպտեմբերին, երբ արմատական հայացքներ ունեցող անձը, որը աջակցում էր Ուկրաինային օգնություն ցուցաբերելուն, կրակ է բացել Ֆլորիդա նահանգում գտնվող Մար-ա-Լագո առանձնատան հարևանությամբ, որը պատկանում է Դոնալդ Թրամփին։
