Թուրքիան պատրաստ է իր տարածքում ընդունել Միացյալ Նահանգների և Իրանի միջև բանակցությունները, սակայն կողմերին իր միջնորդությունը չի պարտադրում, РИА Новости-ին հայտնել է թուրքական դիվանագիտական աղբյուրը։
Ավելի վաղ Axios պորտալը հայտնել էր, որ ԱՄՆ նախագահի հատուկ ներկայացուցիչ Սթիվ Ուիտքոֆը ուրբաթ օրը ծրագրում էր Ստամբուլում հանդիպել Իրանի արտաքին գործերի նախարար Աբբաս Արաղչիի հետ՝ քննարկելու Իրանի միջուկային ծրագիրը՝ երկրների միջև պահպանվող լարվածության ֆոնին։
Երեքշաբթի Ynet պորտալը տեղեկացրել էր, որ Ուիտքոֆը ժամանել է Իսրայել՝ վարչապետ Բենյամին Նեթանյահուի հետ բանակցություններ վարելու համար։ Միևնույն ժամանակ, Axios-ի լրագրող Բարակ Ռավիդի տվյալներով, որը հղում է արել արաբական աղբյուրի, ԱՄՆ նախագահ Դոնալդ Թրամփի վարչակազմը ընդունել է Թեհրանի խնդրանքը՝ Իրանի միջուկային ծրագրի շուրջ բանակցությունները Թուրքիայից տեղափոխելու վերաբերյալ։
Ակնկալվում է, որ բանակցությունները կկայանան ուրբաթ օրը Օմանում։
