Լուսանկարը, որում պատկերված են Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը՝ Անքորիջում (Ալյասկա նահանգ) անցկացված գագաթնաժողովի ընթացքում, տեղադրվել է Սպիտակ տանը։ Ինչպես հունվարի 27-ին X սոցիալական հարթակում հայտնել է PBS հեռուստաալիքի լրագրող Էլիզաբեթ Լանդերսը, լուսանկարը հայտնվել է Պալմայի սրահում, որը միջանցքային տարածք է՝ Սպիտակ տան հիմնական շենքի և Արևմտյան թևի միջև։
Լանդերսի փոխանցմամբ՝ այդ լուսանկարի կողքին կախվել է ևս մեկը, որտեղ Թրամփը պատկերված է իր թոռնուհիներից մեկի հետ։
Պալմայի սրահից հնարավոր է անցում կատարել, մասնավորապես, դեպի Վարդերի պարտեզ և Հարավային սիզամարգ։Լրագրողները, որոնք ունեն Սպիտակ տան մշտական հավատարմագրում, ազատ մուտք չունեն Պալմայի սրահ, որտեղ վերջերս իրականացվել են վերանորոգման աշխատանքներ։Սպիտակ տանը տեղադրված Պուտինի և Թրամփի համատեղ լուսանկարը արտաքին տեսքով չի տարբերվում այն լուսանկարից, որը ամերիկյան առաջնորդը ցուցադրել էր լրագրողներին անցյալ տարվա օգոստոսի 22-ին։
