Axios-ն իմացել է Գազայի հարցով Իսրայելի վրա ԱՄՆ ճնշման ավելացման մասին

01.11 10:56 | Կատեգորիա Քաղաքական

Ամերիկայի նախագահ Ջո Բայդենի վարչակազմը մեծացնում է ճնշումը Իսրայելի կառավարության վրա՝ ակնկալելով Գազայում հումանիտար ճգնաժամի կարգավորման ԱՄՆ պահանջների կատարումը։
Այս մասին հայտնում է Axios պորտալը՝ հղում անելով ամերիկացի և իսրայելցի պաշտոնյաներին։

Նրանց տեղեկություններով՝ վերջին օրերին Պետդեպարտամենտի ներկայացուցիչները դժվար հանդիպումներ ու հեռախոսազրույցներ են ունեցել իսրայելցի գործընկերների հետ։
ԱՄՆ պաշտոնյաները Իսրայելից պահանջել են քայլեր ձեռնարկել Գազայի հատվածում մարդասիրական ծանր պայմանները բարելավելու համար։

Պորտալը նշում է նաև, որ Պետդեպարտամենտի ներկայացուցիչները բողոքել են Իսրայելի ավիահարվածի կապակցությամբ, որը ավերել է Գազայի հյուսիսում գտնվող բնակելի շենքը և տասնյակ պաղեստինցիների, այդ թվում՝ երեխաների մահվան պատճառ դառցել ։ Նրանք նաև բարձրացրել են այն հարցը, որ ոչ մի օգնություն չի ստացվում Ջաբալիա փախստականների ճամբարին և մտահոգություն են հայտնել Իսրայելի նոր օրենքի առնչությամբ, որը կտրուկ կսահմանափակի ՄԱԿ-ի գործակալության աշխատանքը Մերձավոր Արևելքում պաղեստինցի փախստականներին օգնելու և Գազայում աշխատանքներ կազմակերպելու համար:

Ավելի վաղ Պետդեպարտամենտի մամուլի պատասխանատու Մեթյու Միլլերը հաստատել էր, որ պետքարտուղար Էնթոնի Բլինկենը և պաշտպանության նախարար Լլոյդ Օսթինը նամակ են ուղարկել իրենց իսրայելցի գործընկերներին՝ պահանջելով «30 օրվա ընթացքում կոնկրետ քայլեր ձեռնարկել»՝ բարելավելու հումանիտար իրավիճակը պաղեստինյան անկլավում։ Նամակում, որի տեքստը X-ում (նախկինում Twitter) հրապարակել է Axios պորտալի լրագրող Բարաք Ռավիդը, նշում է, որ ԱՄՆ-ի պահանջները չկատարելը կարող է հետևանքներ ունենալ Իսրայելին ռազմական օգնություն տրամադրելու հարցում և Իսրայելի պաշտոնյաները հայտնել են, որ Իսրայելի ռազմավարական պլանավորման նախարար Ռոն Դերմերին հանձնարարվել է պատասխան պատրաստել Բլինկենի և Օսթինի նամակին։

Սակայն նրանք կարծում են, որ այն վերջնական տեսքի չի բերվի եւ կուղարկվի միայն ԱՄՆ ընտրություններից հետո։ Եվ եթե հանրապետական թեկնածու Դոնալդ Թրամփը հաղթի, նամակի պահանջներին պատասխանը, ամենայն հավանականությամբ, կլինի ոչ, Axios-ին ասել է ամերիկացի պաշտոնյան:

Ամենաշատ կարդացվածներ

«Հրապարակ». Փաշինյանը մերժել է Ռուբեն Վարդանյանի հարցով Թրամփի առաջարկը

15.07 09:09 | Կատեգորիա Մամուլ

Հարցերը ինքնին, արդեն պատասխան էին. Մարգարիտ Եսայան

16.07 23:27 | Կատեգորիա Մտքեր

ՀՅԴ-ն երբեք իր զենքը չի ուղղել իր ազգի ու պետության դեմ. պատգամավորը՝ «սիսեռով ահաբեկչության» մասին (տեսանյութ)

15.07 20:55 | Կատեգորիա Քաղաքական

Նախկինները «փայ» էին մտնում, հիմա բիզնես են խլում․այլ գործարարների նկատմամբ էլ նման մոտեցում կլինի (տեսանյութ)

15.07 21:31 | Կատեգորիա Քաղաքական

Ռուսաստանին սպառնո՞ւմ է արդյոք Հայաստանի և Ադրբեջանի միջև խաղաղությունը․ Պարզաբանում է առաջատար քաղաքագետ Ս. Մարկեդոնովը (տեսանյութ)

15.07 20:38 | Կատեգորիա Քաղաքական

Պատերազմ, ցավոք, լինելու է. Արամ Աբրահամյանը նշել է Փաշինյանի իշխանության ամենամեծ վնասը (տեսանյութ)

15.07 22:00 | Կատեգորիա Քաղաքական

Ալսուն գաղտնի վաճառել է Ռուբլյովկայի շքեղ առանձնատունը ամուսնալուծությունից առաջ

15.07 23:54 | Կատեգորիա Ժամանց

Վանաձորում բախվել են «Mazda»-ն ու մոտոցիկլը. վերջինը կողաշրջվել է և սկսվել է դիզվառելիքի արտահոսք

15.07 22:39 | Կատեգորիա Պատահարներ

Հայաստանի սուվերեն տարածքի վարձով տալն անընդունելի է (տեսանյութ)

15.07 18:50 | Կատեգորիա Քաղաքական

ՈՒՂԻՂ

Արտակարգ դեպք՝ Լոռու մարզում. Դսեղ գյուղից 15-ամյա տղան տեղափոխվել է Վանաձորի հիվանդանոց