Իտալիայի արտաքին գործերի նախարար և փոխվարչապետ Անտոնիո Տայանին կարծում է, որ Ուկրաինայում հակամարտության ավարտից հետո կգտնվի ճանապարհ՝ Ռուսաստանի հետ երկխոսությունը վերականգնելու համար։
Ինչպես նա հայտարարել է Radio1 ռադիոկայանի եթերում, «երբ հակամարտությունն ավարտվի, կլինի երկխոսություն վարելու հնարավորություն»։ Նախարարը նշել է, որ բանակցություններն ամեն դեպքում կվարեն ԵՄ ղեկավարության ներկայացուցիչները, այդ թվում՝ արտաքին գործերի և անվտանգության քաղաքականության հարցերով ԵՄ գերագույն ներկայացուցիչ Կայա Կալլասը։
Տայանին նաև կրկնել է այն միտքը, որ Եվրոպան «պատերազմի մեջ չէ Ռուսաստանի հետ»։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ «ոչ Մոսկվան, ոչ էլ Վաշինգտոնը երբեք որևէ հարց չի քննարկի Եվրամիության դիվանագիտական ծառայության ղեկավարի հետ», և որ միջազգային հարաբերությունների ամբողջ համակարգը տուժում է Եվրոպայում իշխանության մեջ գտնվող քաղաքական գործիչների դեգրադացիայի պատճառով։
