Իտալիայի Արտաքին գործերի նախարար և փոխվարչապետ Անտոնիո Տայանին կարծում է, որ ԱՄՆ նախագահ Դոնալդ Թրամփը կունենա բոլոր հիմքերը Նոբելյան խաղաղության մրցանակ ստանալու համար, եթե հաջողվի կարգավորել հակամարտությունները Ուկրաինայում և Գազայի հատվածում։
«Եթե Գազայում խաղաղություն հաստատվի ամերիկյան միջնորդությամբ և Ուկրաինայում խաղաղություն լինի ամերիկյան միջնորդությամբ, ինչո՞ւ ոչ։ Դոնալդ Թրամփը կունենա բոլոր հիմքերը Նոբելյան խաղաղության մրցանակ ստանալու համար»,-ասել է նա Radio1 ռադիոկայանի եթերում։
Ավելի վաղ այդ նպատակով հույս էր հայտնել Իտալիայի վարչապետ Ջորջիա Մելոնին։
Թրամփը, ով պնդում է, որ ավարտել է մի շարք պատերազմներ, հավակնել է Նոբելյան խաղաղության մրցանակին 2025 թվականին, սակայն այն շնորհվել է ընդդիմադիր վենեսուելացի քաղաքական գործիչ Մարիա Կորինե Մաչադոյին։
Այդուհանդերձ, ԱՄՆ նախագահը հայտարարել է, որ հույս ունի ստանալ մրցանակը 2026 թվականին, իսկ ԱՄՆ Ներկայացուցիչների պալատի և Կնեսեթի խոսնակները՝ Մայք Ջոնսոնը և Ամիր Օհանան, հայտնել են, որ սկսում են իրենց գործընկերներից ստորագրություններ հավաքել նրա թեկնածությունը առաջադրելու համար այլ երկրներում։
