Հնդկաստանի վարչապետ Նարենդրա Մոդին ակնկալում է, որ Եվրոպական հանձնաժողովի նախագահ Ուրսուլա ֆոն դեր Լայենի և Եվրոպական խորհրդի նախագահ Անտոնիո Կոշտայի այցը հանրապետություն կնպաստի համագործակցության խորացմանը տարբեր ոլորտներում։ Այս մասին նա գրել է X սոցիալական ցանցի իր էջում՝ մեկնաբանելով նրանց մասնակցությունը երկրի Հանրապետության օրվա տոնական զորահանդեսին։
«Հնդկաստանի համար մեծ պատիվ է ընդունել Եվրոպական խորհրդի նախագահ Անտոնիո Կոշտային և Եվրոպական հանձնաժողովի նախագահ Ուրսուլա ֆոն դեր Լայենին Հանրապետության օրվա տոնակատարության ընթացքում։ Նրանց ներկայությունը ընդգծում է Հնդկաստանի և Եվրոպական Միության միջև գործընկերության աճող ուժը և մեր հանձնառությունը ընդհանուր արժեքներին։ Այս այցը լրացուցիչ խթան կտա Հնդկաստանի և Եվրոպայի միջև համագործակցության և փոխգործակցության խորացմանը տարբեր ոլորտներում»,-գրել է Մոդին։
Հունվարի 27-ին Եվրոպական միության ներկայացուցիչները, ովքեր ժամանել են Հնդկաստան, կկազմեն համանախագահներ 16-րդ ԵՄ-Հնդկաստան գագաթնաժողովում։ Գագաթնաժողովի օրակարգում ընդգրկված է Ուկրաինայի հակամարտության և Մերձավոր Արևելքի իրավիճակի քննարկում, կայուն զարգացման, առաջատար տեխնոլոգիաների և նորարարությունների օգտագործման, ինչպես նաև անվտանգության ու պաշտպանության ոլորտներում գործընկերության հարցերի քննարկում։
