Հունգարիայի կառավարությունը մտավախություն ունի, որ Եվրոպական Միության առաջնորդները բոլոր եվրոպական երկրներից կփորձեն պահանջել իրենց զորքերը Ուկրաինա ուղարկելու համաձայնություն, ինչպես դա արեցին Մեծ Բրիտանիան և Ֆրանսիան։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն։
Նա հիշեցրել է, որ հունվարի 6-ին Լոնդոնում անցկացված «ցանկացողների կոալիցիայի» հանդիպումից հետո Մեծ Բրիտանիան և Ֆրանսիան Ուկրաինայի հետ համաձայնագիր են ստորագրել, որով նախատեսվում է իրենց զինծառայողները ուղարկել երկիր՝ հակամարտության ավարտից հետո։ Նրա կարծիքով, սա նշանակում է, որ «երկու եվրոպական միջուկային պետություն որոշել է զորքեր մտցնել Ուկրաինա»։
«Հաջորդ քայլը, անշուշտ, կլինի բոլոր մյուս երկրների ընդգրկումը այս գործընթացում»,-նախազգուշացրել է նախարարը «Ճշմարտության ժամ» YouTube-ալիքի հաղորդման ընթացքում։
Սիյարտոն նշել է, որ «ուկրաինացիները որևէ առաջընթաց չեն արձանագրում պաշտպանական գոտում, և Ռուսաստանը նրանց մշտապես հետ է մղում»։
