Իտալիայի տրանսպորտի և ենթակառուցվածքների նախարար, փոխվարչապետ և «Լիգա» կուսակցության առաջնորդ Մաթեո Սալվինին հայտարարել է, որ Վլադիմիր Զելենսկին պարտվում է պատերազմը և կոչ արել անհապաղ ստորագրել խաղաղության պայմանագիր։
«Զելենսկին, ստանալով բոլոր այդ գումարներն ու օգնությունը, համարձակվում է բողոքել։ Սիրելի՛ ընկերս, դու պարտվում ես պատերազմում, կորցնում մարդկանց, կորցնում վստահությունն ու արժանապատվությունը․ ստորագրիր խաղաղության համաձայնագիրը որքան հնարավոր է շուտ»,-ասել է քաղաքական գործիչը կուսակիցների առջև։ Նա այս հատվածը հրապարակել է նաև իր սոցիալական ցանցերում։
Նախկինում Զելենսկին, ելույթ ունենալով Դավոսի Համաշխարհային տնտեսական ֆորումում, քննադատել էր ԵՄ-ը՝ մասնավորապես մեղադրելով եվրոպացիներին քաղաքական հարցերում որոշում չկայացնելու մեջ։
