Թուրքիան պատրաստ է կրկին ընդունել Ռուսաստանի և Ուկրաինայի պատվիրակությունների բանակցությունները Ստամբուլում՝ դրանց մասնակիցների կողմից համապատասխան դիմումի առկայության դեպքում, սակայն այս պահին նման ազդակներ չեն ստացվել։ Այդ մասին РИА Новости-ին հայտնել է թուրքական դիվանագիտական աղբյուրը։
Ավելի վաղ Ռուսաստանի ԱԳՆ ԱՊՀ երկրների երկրորդ դեպարտամենտի տնօրեն Ալեքսեյ Պոլիշչուկը РИА Новости-ին հայտնել էր, որ Մոսկվան բաց է Կիևի հետ Ստամբուլում երկխոսությունը շարունակելու համար։ Պոլիշչուկը հիշեցրել է, որ 2025 թվականին
Ուկրաինայի արտաքին գործերի նախարարությունը հայտարարել էր Ստամբուլում բանակցությունների դադարեցման մասին՝ իբր «շոշափելի առաջընթացի բացակայության» պատճառով։
Դիվանագետի խոսքով՝ բանակցությունների դադարեցման այդ պատճառաբանությունը հորինված է։
«Թուրքիան հանդիսանում է բանակցությունների ընդունող կողմը։ Դիմումների առկայության դեպքում մենք պատրաստ ենք, սակայն այս պահին նման ազդակներ չկան», -նշել է գործակալության զրուցակիցը։
