Բելառուսի նախագահ Ալեքսանդր Լուկաշենկոն հույս է հայտնել, որ կհանդիպի Հնդկաստանի վարչապետ Նարենդրա Մոդիի հետ 2026 թվականին կայանալիք ԲՐԻԿՍ գագաթնաժողովի շրջանակում։ Այս մասին նշված է Բելառուսի ղեկավարի շնորհավորական ուղերձում՝ նվիրված Հնդկաստանի Հանրապետության օրվան։Լուկաշենկոյի խոսքով՝ Հնդկաստանը, որպես ԲՐԻԿՍ-ի նախագահող երկիր, նպաստում է բազմակողմանի և արդար աշխարհի ամրապնդմանը։
«Բելառուսը հպարտանում է Հնդկաստանի հետ վաղեմի բարեկամական հարաբերություններով։ Վստահ եմ, որ մեր համագործակցությունը՝ հիմնված վստահության և փոխադարձ աջակցության վրա, շարունակաբար զարգանում է և նոր գործնական բովանդակություն է ստանում։
Վստահ եմ, որ միասնական ջանքերով մենք լիովին կիրականացնենք արդյունաբերության, թվային տեխնոլոգիաների, գյուղատնտեսության և անվտանգության ոլորտներում համագործակցության մեծ ներուժը»,-նշվում է նախագահական գրասենյակի հրապարակած շնորհավորանքի մեջ։Մյուս ԲՐԻԿՍ գագաթնաժողովը կկայանա այս տարի Հնդկաստանում՝ երկրի նախագահությամբ։
