Թեհրանի դեմ հնարավոր ագրեսիային տրվելիք պատասխանը կլինի առավելագույնս կոշտ, հայտարարել է Իրանի բարձրաստիճան պաշտոնյան։
«Այս անգամ մենք ցանկացած հարձակում՝ սահմանափակ, անսահմանափակ, ինչ անուն էլ դրան տրվի, կդիտարկենք որպես մեր դեմ ուղղված լիակատար պատերազմ և կպատասխանենք ամենախիստ ձևով», — լրագրողներին ասել է նա՝ անանուն մնալու պայմանով։
Պաշտոնյան նշել է, որ ներկայումս Թեհրանը գտնվում է շատ ավելի բարենպաստ վիճակում, քան Իսրայելի հետ 12-օրյա պատերազմի ժամանակ։ Հինգշաբթի օրը ԱՄՆ նախագահ Դոնալդ Թրամփը հայտարարել էր, որ ամերիկյան նավերը «ամեն դեպքում» շարժվում են Իրանի ուղղությամբ։
Մինչ այդ նա հստակ պատասխան չէր տվել այն հարցին, թե արդյոք երկրի դեմ միջամտության տարբերակը հանված է օրակարգից։
