Հունվարի 23-ին Աբու Դաբիում կանցկացվի առաջին եռակողմ հանդիպումը՝ Ռուսաստանի, Ուկրաինայի և ԱՄՆ-ի պատվիրակությունների մասնակցությամբ։ Մոսկվայի համար առաջնային և սկզբունքային հարցը, որը կբարձրացվի քննարկումների ընթացքում, տարածքային խնդիրն է։
Ուկրաինան նույնպես հաստատել է, որ Դոնբասի պատկանելիությունը կքննարկվի ԱՄԷ-ում։ «Газета.Ru»-ի նյութում անդրադառնում են, թե ինչի շուրջ կհանդիպեն Աբու Դաբիում և արդյոք բանակցությունները հաջող կլինեն։
Կրեմլում ամերիկյան պատվիրակության գիշերային բանակցությունների ավարտից հետո նախագահ Վլադիմիր Պուտինի հետ, նախագահի օգնական Յուրի Ուշակովը հայտնել է, որ կողմերը պայմանավորվել են 23 հունվարի Աբու Դաբիում անցկացնելու Ռուսաստանի, ԱՄՆ-ի և Ուկրաինայի եռակողմ աշխատանքային խմբի առաջին նիստը՝ անվտանգության հարցերի շուրջ։
«Մեր բանակցային խումբը՝ անվտանգության հարցերի վերաբերյալ, արդեն ձևավորված է և առաջիկա ժամերի ընթացքում կթռչի Արաբական Միացյալ Էմիրություններ։ Նրա կազմում ընդգրկվել են Պաշտպանության նախարարության ղեկավար կազմի ներկայացուցիչներ՝ գլխավոր շտաբի գլխավոր վարչության պետ, ադմիրալ Կոստյուկովի գլխավորությամբ», — ասել է Ուշակովը։
Բացի այդ, Ուշակովի խոսքով՝ Աբու Դաբիում նախատեսված է առանձին հանդիպում՝ տնտեսական հարցերով երկկողմանի աշխատանքային խմբի ղեկավարների՝ Կիրիլ Դմիտրիեւի և Սթիվեն Ուիթքոֆի միջև։
