ԱՄՆ նախագահ Դոնալդ Թրամփը Գրենլանդիայի վերաբերյալ շրջանակային համաձայնագրի շրջանակում մտադիր է արգելել Ռուսաստանին և Չինաստանին կղզու տարածքում հազվագյուտ հողային ռեսուրսների արդյունահանումը, հայտնում է The New York Times-ը (NYT)՝ հղում կատարելով աղբյուրներին։
Թերթի տվյալներով՝ սահմանափակումները կվերաբերեն Հյուսիսատլանտյան դաշինքի կազմի մեջ չմտնող բոլոր երկրներին, սակայն առանձին շեշտադրում կկատարվի Ռուսաստանի և Չինաստանի վրա։
Ավելի վաղ եվրոպական Politico պարբերականը հաղորդել էր, որ շրջանակային համաձայնագիրը, որի շուրջ պայմանավորվածության են հասել նախագահ Թրամփը և ՆԱՏՕ-ի գլխավոր քարտուղար Մարկ Ռյուտտեն, կարող է ներառել Գրենլանդիայում ռեսուրսների արդյունահանման վերահսկման հատուկ մարմնի ստեղծում։ Նրա տվյալներով՝ այդ կառույցը կվերահսկի կղզում հանքավայրերի «հետախուզման իրավունքները»։
