Ուկրաինայի նախագահ Վլադիմիր Զելենսկին պետք է ձգտի հակամարտության կարգավորման շուրջ համաձայնության հասնել, քանի որ իրավիճակը Ուկրաինայի ժողովրդի համար ծանր է։ Այդ մասին հայտարարել է ԱՄՆ նախագահ Դոնալդ Թրամփը։
Մեկնաբանելով Զելենսկու հետ իր հանդիպումը Համաշխարհային տնտեսական ֆորումի (ՀՏՖ) շրջանակում Դավոսում՝ ամերիկացի առաջնորդը նշել է.
«Նա եկավ և ասաց, որ ցանկանում է գործարք կնքել։ Կարելի է ասել, որ ես դրանում վստահ չէի։ Կարծում եմ՝ Զելենսկին պետք է ցանկանա գործարք կնքել։ Կիևի համար իրավիճակը բավականին ծանր է։ Սա շատ ծանր է Ուկրաինայի ժողովրդի համար», — ընդգծել է Թրամփը՝ լրագրողների հետ զրուցելով իր ինքնաթիռում Ցյուրիխից Վաշինգտոն ուղևորվելիս՝ ՀՏՖ միջոցառումներին մասնակցությունն ավարտելուց հետո։
Սպիտակ տան ղեկավարը նաև ուշադրություն է դարձրել այն հանգամանքին, որ Զելենսկու հետ որոշ պայմանավորվածություններ իր մոտ փաստացիորեն արդեն մի քանի անգամ ձախողվել են։
«Դավոսում հանդիպումը լավ էր։ Բայց, գիտեք, ես նախագահ Զելենսկու հետ ունեցել եմ շատ լավ հանդիպումներ։ Եվ այնպիսի տպավորություն է ստեղծվում, որ դա չի իրականանում», — ասել է Թրամփը՝ պատասխանելով անվտանգության ոլորտում համաձայնության հեռանկարների վերաբերյալ հարցին։
