X սոցիալական ցանցի սեփականատեր Իլոն Մասկը օգտատերերին հորդորել է իրենց մտերիմներին հեռու պահել ChatGPT-ից՝ չաթ-բոթի հետ շփումից հետո տեղի ունեցած ինքնասպանությունների մասին հրապարակումների կապակցությամբ։
X-ում անանուն հաշիվը հրապարակել է գրառում, ըստ որի ներկայումս հայտնի է ChatGPT-ի օգտագործման հետ առնչվող ինը մահվան դեպք, որոնցից հինգը եղել են ինքնասպանություններ։
«Թույլ մի տվեք, որ ձեր մտերիմները օգտվեն ChatGPT-ից»,-գրել է Մասկը՝ վերահրապարակելով այդ գրառումը։
Ավելի վաղ OpenAI-ի դեմ բազմիցս դատական հայցեր են ներկայացվել՝ ինքնասպանության հասցնելու մեղադրանքով․ հանրաճանաչ չաթ-բոթի մշակող ընկերությունը ճնշման է ենթարկվել ChatGPT-ի օգտագործման հետ կապվող ինքնասպանությունների ֆոնին։
Օգոստոսի վերջին Wall Street Journal թերթը գրել էր, որ ChatGPT-ը պարանոիդալ մտքեր ունեցող Yahoo-ի նախկին աշխատակցին դրդել է սպանել իր մորը և ինքնասպանություն գործել՝ համոզելով նրան իր սեփական հոգեկան առողջության մեջ։ Հրապարակման համաձայն՝ սա առաջին փաստագրված սպանությունն է, որի կատարմանը հոգեկան անկայուն անձը դրդվել է արհեստական բանականության կողմից։
