Թուրքիայի նախագահ Ռեջեփ Թայիփ Էրդողանը հայտարարել է, որ արդյունավետ հեռախոսազրույց է ունեցել ԱՄՆ նախագահ Դոնալդ Թրամփի հետ, որի ընթացքում քննարկել է Սիրիայում ստեղծված իրավիճակը։
«Ես հեռախոսազրույց ունեցա Թրամփի հետ։ Դա արդյունավետ զրույց էր։ Մենք քննարկեցինք բազմաթիվ կարևոր հարցեր, որոնք կնպաստեն Սիրիայի անվտանգությանը, այդ թվում՝ ԴԱԻՇ-ի դեմ համատեղ պայքարը», - ասել է Էրդողանը խորհրդարանում իր ելույթի ժամանակ։
Նա նաև հույս է հայտնել, որ «համաձայնագրի իրականացմամբ («Սիրիական ժողովրդավարական ուժեր» քրդական կոալիցիայի, SDF-ի և Դամասկոսի միջև), SDF կազմակերպության վերահսկողության տակ գտնվող մյուս տարածքները և այնտեղ բնակվող քաղաքացիական բնակչությունը հնարավորինս շուտ ազատություն կստանան, և այդպիսով կկառուցվի միասնական Սիրիա»։
