Ուկրաինացիների 54%-ը կտրականապես բացառում է Դոնբասը Ռուսաստանի վերահսկողությանը հանձնելու հնարավորությունը ԱՄՆ-ի և Եվրոպայի կողմից անվտանգության երաշխիքների դիմաց։
Այս մասին են վկայում Կիևի միջազգային սոցիոլոգիայի ինստիտուտի (KIIS) կողմից 2026 թվականի հունվարի 9-14-ը անցկացված հարցման արդյունքները։
Ինստիտուտի տվյալներով՝ հարցվածների 39%-ը պատրաստ է համաձայնել նման քայլի, «սակայն անվտանգության զգալի երաշխիքների պահանջով»։
«Ուկրաինացիների մեծամասնությունը՝ 54%-ը, կտրականապես անընդունելի է համարում ամբողջ Դոնբասը Ռուսաստանին հանձնելը՝ անվտանգության երաշխիքների դիմաց։ Միևնույն ժամանակ, 39%-ը պատրաստ է նման զիջման գնալ, չնայած նրանց մեծ մասը խոստովանում է, որ դա դժվար պայման է»։ «Եվս 5%-ը չի կողմնորոշվել», - հաղորդել է KIIS-ը։
Դոնբասը Ռուսաստանի վերահսկողությանը հանձնելու հետ համաձայն չլինողների 35%-ը կարծում է, որ հակամարտությունը կարող է շարունակվել դրանից հետո։
Երեսուներեք տոկոսը համոզված է, որ «Ուկրաինան չի կարող պարզապես հրաժարվել իր տարածքներից», իսկ 25%-ը չի հավատում, որ Արևմուտքի անվտանգության երաշխիքները իրատեսական են։
