Մայր Աթոռում այս պահին երեկ գիշեր կատարված թեժ իրադարձությունների մասով քննարկում է գնում։ Ինչպես հայտնի է, երեկ շուրջ 16 քահանա, հասարակության կողմից տիրադավ հռչակված թեմակալ առաջնորդների հորդորով կամ պարտադրմամբ միացան Նիկոլ Փաշինյանի հակաեկեղեցական արշավին, կամ, ինչպես ինքն է անվանում «Եկեղեցու բարենորոգման ծրագրին»։
Ընդ որում, եկեղեցու դեմ արշավին միացած բոլոր քահանաները պատճենել ու իրենց ֆեյսբուքյան էջում հրապարակել էին, հավանաբար, վերևից իրանց տրված նույնաբովանդակ տեքստը, որով հավատարմություն են հայտնում Փաշինյանի ծրագրին։ Սրան զուգահեռ էլ տասնյակից ավելի քահանաներ իրենց որդիական աջակցությունն ու հավատարմությունն են հայտնել Կաթողիկոսին։
Euromedia24-ը իրավիճակի վերաբերյալ փորձեց մեկնաբանություն ստանալ Մայր Աթոռից՝ պարզելու նրանց դիրքորոշումը և ինչ քայլեր են պատրաստվում ձեռնարկել։ Մայր Աթոռից հայտնեցին, որ այս պահին քննարկումներ են գնում, շուտով հայտարարություն կտարածեն։ Չի բացառվում նաև, որ Մայր աթոռում ժողով գումարվի՝ քայլերի հաջորդականությունը հստակեցնելու նպատակով։
