Զինված ուժերում ծառայության անցնելու գրավչությունը համալիր ծրագիր է և ամեն նման նախաձեռնություն կարևոր է, բայց համալիր մոտեցմամբ ավելի լավ արդյունքի կհանգենք։
Այս մասին ԱԺ պաշտպանության և անվտանգության հանձնաժողովի նիստում «Զինծառայողների մասին օրենքի» նոր նախագծի քննարկման ընթացքում ասաց «Հայաստան» խմբակցության պատգամավոր Գեղամ Մանուկյանն՝ ընդգծելով, որ վերջին տարիներին միշտ քննադատել են այն մոտեցումը, որ զինված ուժերի բարեփոխման անվան տակ միշտ ԶՈՒ համալրման հիմնական խթանիչը պատկերացրել են նյութականը ու շեշտը դրվել է ատեստացիայի վրա։ «Կարծում եմ՝ ժամանակն է մտածել նաև զինծառայողների բազային աշխատավարձի բարձրացման ուղղությամբ։
Իրականում միայն նյութականը չի կարևոր, կարևորագույն տարրերից մեկը հանրային լայն քարոզչության գործողությունների, քայլերի, ԶՈՒ հեղինակության բարձրացման հարց ունի ՊՆ-ն։Ցանկացած անզգույշ արտահայտություն, ցանկացած խոսք, հատկապես ներկայացուցչական հանգամանք ունեցող մարդու կողմից խիստ վնաս է ԶՈՒ-ին։
ԵԿՄ նախագահ Սասուն Միքայելյանի հայտարարությունը, որ կողմ է սահմանազատմանը, քանի որ մենք այսօր ոչ մի հնարավորություն չունենք ադրբեջանցու դեմ կռվելու՝ սա առաջին հերթին հարված է ՀՀ ԶՈՒ-ին, մեր պաշտպանութնակությանը։
ԶՈՒ-ին հարված էր նաև նույն Սասուն Միքայելյանի մեկ այլ հայտարարություն, թե իր 5000 տղերքը կանգնած են առաջնագծում»։
Աղբյուր` Փաստինֆո
