Ալկոհոլը կարող է ուժեղացնել մագնիսական փոթորիկների բացասական ազդեցությունն օրգանիզմի վրա, հատկապես եղանակային փոփոխությունների նկատմամբ զգայուն մարդկանց մոտ, Մոսկվայի քաղաքային լրատվական գործակալությանը հայտնել է բժշկական գիտությունների դոկտոր Անդրեյ Տյաժելնիկովը։
Մասնագետի խոսքով՝ ալկոհոլային խմիչքները սրում են օրգանիզմի արձագանքը գեոմագնիսական տատանումներին: «Ալկոհոլը, որպես կանոն, վատթարացնում է առողջությունը և սրում ախտանիշները եղանակային փոփոխությունների նկատմամբ զգայուն մարդկանց մոտ», - ընդգծել է Տյաժելնիկովը՝ հիշեցնելով, որ այն միտքը, որ ալկոհոլի անվտանգ չափաբաժին չկա, ունի բժշկական հիմք:
Բժիշկը բացատրել է, որ ալկոհոլը ուժեղ ազդեցություն ունի անոթային համակարգի վրա: «Ալկոհոլային խմիչքները նախ լայնացնում են արյան անոթները, ապա ստիպում են դրանք կտրուկ նեղանալ, ինչը մեծացնում է սրտի բաբախյունը», - նշել է նա: Ջրազրկումը, որը հաճախ ուղեկցում է ալկոհոլի օգտագործմանը, նույնպես ստեղծում է լրացուցիչ սթրես:
