Եթե 1–2 տարի մենք քննարկում էինք իրար հակասող նարատիվներ, ապա հիմա մենք ունենք շատ ընդհանրություններ ունեցող նարատիվներ։ Այս մասին Դոհայում Ադրբեջանի նախագահի օգնական Հիքմեթ Հաջիևի մասնակցությամբ կայացած պանելային քննարկման ժամանակ հայտարարել է ՀՀ ԱԽ քարտուղար Արմեն Գրիգորյանը։
Երևանի և Բաքվի միջև որոշ դիրքորոշումներ տարբերվում են, բայց Գրիգորյանը վստահ է, որ «կողմերը կամրապնդեն համագործակցությունը, որպեսզի ապագան ինչքան հնարավոր է` լավը լինի։
«Երկու կողմերին էլ անհրաժեշտ է քաղաքական կամք, և միջազգային հանրությունը կարող է աջակցել խաղաղության կառուցմանը»։
