Չինաստանը պահպանում է իր միջուկային զինանոցը ազգային անվտանգությունն ապահովելու համար անհրաժեշտ նվազագույն մակարդակի վրա, հինգշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը՝ պատասխանելով «ՌԻԱ Նովոստի»-ի հարցին։
«Չինաստանը վճռականորեն հավատարիմ է խաղաղ զարգացման ուղուն և իր ազգային պաշտպանության քաղաքականության պաշտպանական բնույթին։ Չինաստանը միշտ պահպանում է իր միջուկային ուժերը ազգային անվտանգության համար անհրաժեշտ նվազագույն մակարդակի վրա», - ասել է դիվանագետը՝ ի պատասխան «ՌԻԱ
Նովոստի»-ի՝ G7-ի արտգործնախարարների համատեղ հայտարարությունը մեկնաբանելու խնդրանքի։
Ավելի վաղ G7-ի արտգործնախարարները համատեղ հայտարարությամբ մտահոգություն էին հայտնել Չինաստանի ռազմական հզորության աճի և միջուկային զինանոցի արագ ընդլայնման վերաբերյալ՝ կոչ անելով Պեկինին ցույց տալ կայունության նկատմամբ իր հանձնառությունը՝ ավելի մեծ թափանցիկության միջոցով։
