Եվրոպական հանձնաժողովը Վրաստանին չի հրավիրել նոյեմբերի 18-ին կայանալիք ԵՄ ընդլայնման ֆորումին՝ նրա «ժողովրդավարական նահանջի» պատճառով, Բրյուսելում կայացած ճեպազրույցի ժամանակ հայտարարել է Եվրոպական հանձնաժողովի խոսնակ Գիյոմ Մերսիեն։
«Մենք վերջերս հրապարակեցինք թեկնածու երկրների առաջընթացի վերաբերյալ զեկույց, որտեղ նշվում էր, որ այժմ մենք Վրաստանը համարում ենք միայն անվանական թեկնածու ԵՄ-ի համար։
Մենք ցավով նշում ենք Վրաստանի շարունակական հեռացումը եվրոպական ժողովրդավարական ուղուց: Այո, կարող ենք հաստատել, որ Վրաստանը մեր ֆորումին չի հրավիրվել այս պատճառներով»,-ասել է նա՝ պատասխանելով լրագրողների հարցին։
ԵՄ ընդլայնման ֆորումը, որին կմասնակցեն եվրոպական ինստիտուտների և ԵՄ թեկնածու երկրների բարձր մակարդակի քաղաքական գործիչներ, առաջին անգամ կանցկացվի Բրյուսելում նոյեմբերի 18-ին։
