Վրաստանի վարչապետ Իրակլի Կոբախիձեն հայտարարել է, որ ընդդիմության ոչ մի գործողություն կամ բողոքի ակցիա չի խանգարի խորհրդարանի աշխատանքին, ինչպես նաև կառավարության հաստատման գործընթացներին։«Խորհրդարանի առաջին նիստը կկայանա սովորական ռեժիմով։ Խորհրդարանը կանցնի աշխատանքին, կառավարությունը կհաստատվի։ Գործընթացները մեր երկրում կշարունակվեն սովորական ռեժիմով»,- ասել է Կոբախիձեն։Վարչապետն ընդդիմության կողմից ընտրությունների արդյունքների մերժումն անվանել է «իրեն արդարացնելու անհույս փորձ»։ Նա հավելել է, որ Վրաստանի նորընտիր խորհրդարանը կսկսի աշխատանքը, նույնիսկ եթե նախագահը հանդիպում չնշանակի։Հիշեցնենք, որ Վրաստանի ընդդիմությունը չի ընդունել խորհրդարանական ընտրություններում իշխանությունների հաղթանակը՝ հայտարարելով, որ հոկտեմբերի 27-ից զանգվածային ցույցեր է սկսելու:
Վրաստանի վարչապետն անդրադարձել է ընդդիմության՝ բողոքի ակցիաներ սկսելու ծրագրերին
27.10 12:16 |
Կատեգորիա
Քաղաքական
