«Մայր Հայաստան» կուսակցության վարչության անդամ Արեգնազ Մանուկյանը տեսանյութ է հրապարակել իր ֆեյսբուքյան էջում.
Սեփական հոր վաստակն ուրացած Արգիշտի Մեխակյա՛ն, իրականում փուռը ձեզ տալիս է Նիկոլ Փաշինյանը՝ ստիպելով դավաճանել Մեխակ Մեխակյանի հիշատակը, ստիպելով Հայաստանի վզին թոկ համարել նրա ազատագրած Արցախը, ստիպելով կիսել այս ադրբեջանաթուրքական քաղաքականության ողջ պատասխանատվությունը ու ոչնչացնել պատվի ու արժանապատվության վերջին փշրանքները։ Այս մասին հայտարարել է «Մայր Հայաստան» կուսակցության վարչության անդամ Արեգնազ Մանուկյանը։
«Դե բա եթե այդքան ռիսկով եք, թող ձեր դավանափոխ Նիկոլը գլուխը բնից դուրս հանի, ու գա և իր ողջ թշվառությամբ ներկայանա վաղարշապատցուն։ Թե՞ լավ գիտեք, որ ՔՊ-ի ու Նիկոլի վարկանիշը շրիշակից էլ ցածր է։ Դրա համար էլ Նիկոլը պախկվել է Էրդողանի ու Ալիևի փեշերի տակ։ Դրա համար էլ ուր նստում եք, հայտարարում եք՝ թե բա ես Նիկոլի հետ ես ի՞նչ կապ ունեմ, ես միայն իմ արածների համար եմ պատասխանատու։ Չէ՛, կա՛պ ունեք, չէ՛ պատասխանատո՛ւ եք, որովհետև դո՛ւք ուրացել եք սեփական հորը և որպես ձեր քաղաքական հայր եք ընդունել Նիկոլ Փաշինյանին։
Հարգելի՛ վաղարշապատցիներ, լա՛վ իմացեք՝ ընտրելով Արգիշտի Մեխակյանին, դուք ընտրում եք սեփական հայրենիքը, հավատքը, պատմությունն ու պետականությունը, ինքնությունը դավաճանած և ուրացած Նիկոլ Փաշինյանին»,-ասել է Արեգնազ Մանուկյանը։
Մանրամասները՝ տեսանյութում։
