Հայաստանը հոկտեմբերին դարձավ միջազգային բիզնեսի և տուրիզմի ոլորտի առաջնորդների հանդիպման կենտրոնը։ «Seven Visions Resort & Places, The Dvin»-ում անցկացվեց MANOR-ի 30-րդ գործադիր համաժողովը, որը միավորեց ավելի քան 200 մասնակից Եվրոպայից և աշխարհի տարբեր երկրներից։ Համաժողովը կազմակերպվել է GIE Manor-ի նախագահ Գրեգորի Մավոյանի նախաձեռնությամբ։ Մավոյանն ընդգծեց, որ այս տարվա հանդիպումը յուրահատուկ է՝ անցկացվելով հենց Հայաստանում։
Նախաձեռնության նպատակը միջազգային բիզնես շրջանակներում ավելի լայն իրազեկում ապահովել Հայաստանի ներուժի մասին և ցուցադրել այն, ինչ կարող է առաջարկել։
Բացման արարողությանը ներկա էին ՀՀ էկոնոմիկայի նախարար Գևորգ Պապոյանը և Ֆրանսիայի դեսպան Օլիվիե Դըկոտինյը։
Համաժողովի ընթացքում հյուրերը այցելել են Գեղարդի վանք, Գառնիի տաճար և Քարերի սիմֆոնիա՝ անձամբ զգալով Հայաստանի մշակութային և հոգևոր ժառանգության շունչը։ Մավոյանն ընդգծեց, որ Հայաստանի մշակույթն ու ավանդույթները տպավորիչ են, սակայն ամենից շատ առանձնանում են մարդիկ՝ իրենց ջերմ ու հյուրընկալ վերաբերմունքով։
Նրա խոսքով, Հայաստանը դեռևս լիարժեք բացահայտված ուղղություն չէ, սակայն կարող է դառնալ եվրոպական տուրիզմի նոր գոհարը։ Ամեն տարի Հայաստան ժամանում է մոտ 30,000 ֆրանսիացի զբոսաշրջիկ, սակայն դա փոքր թիվ է՝ համեմատած երկրի ներուժի հետ։ «Հայաստանը կարող է ընդունել շատ ավելի շատ այցելուներ՝ նույնիսկ մինչև երկու միլիոն, քանի որ ունի մեծ պոտենցիալ կանաչ տուրիզմի, ավանդույթների և հյուրընկալության ոլորտներում»,- նշեց նա։
Մավոյանը պատմում է, որ իրենց հանդիպումների ընթացքում հյուրանոցների տարբերակներ էին դիտարկել, և երբ հանդիպեց ռեզորտի սեփականատիրոջը՝ Արտակ Թովմասյանին, հետաքրքրվեց, թե որքանով են այդ ներդրումներն շահավետ։ Արտակ Թովմասյանը պատասխանել է՝ «եթե ցանկանայի արագ եկամուտ, կզբաղվեի առք ու վաճառքով»։
Մավոյանը ընդգծեց, որ սա ցույց է տալիս երկարաժամկետ տեսլականը՝ այն, ինչ մարդը ցանկանում է անել Հայաստանում, և հենց դա ոգևորեց նրան անցկացնել համաժողովը Seven Visions-ում։
Նրա խոսքով, իր համար կարևոր է, երբ մարդիկ քայլեր են ձեռնարկում իրենց երկիրը բարելավելու համար։ Այդ քայլերն են, որոնք մղելու են Հայաստանն առաջ՝ դեպի բարձունքներ։ Եվ երկրորդը, ինչը նա ցանկացավ առանձնացնել, դա հյուրանոցի աշխատակազմն է։
Յուրաքանչյուր հյուր այստեղ իրեն երջանիկ է զգում՝ շնորհիվ աշխատակիցների ջերմ վերաբերմունքի և պատրաստակամության։ Դա ամենակարևորն է՝ երբ մարդն իրեն այստեղ գնահատված ու ցանկալի է զգում։
Աշխատակազմի ջերմ ու պատրաստակամ վերաբերմունքը ևս կարևոր գործոն է, որը հյուրերին ստիպում է գնահատված լինել։ Չնայած համաժողովը դեռ չէր ավարտվել, շատ հյուրեր խոստովանեցին, որ Հայաստան կվերադառնան արդեն ընտանիքներով։
Գրեգորի Մավոյանի խոսքով՝ սա ամենամեծ հաջողությունն է՝ երբ երկիրը դառնում է սրտի ուղղություն և տուրիզմի ցանկալի վայր։
