«Իսրայելի պաշտպանության բանակը վերջերս ավարտեց ճշգրիտ և թիրախային հարվածները Իրանի մի քանի շրջաններում ռազմական օբյեկտների ուղղությամբ», -ասվում է բանակի մամուլի ծառայության հաղորդագրության մեջ:
Ինչպես նշվում է փաստաթղթում, իսրայելական ինքնաթիռները «անվտանգ վերադարձել են տուն»։
«Հարվածն իրականացվել է ի պատասխան վերջին ամիսներին իրանական ռեժիմի կողմից Իսրայելի պետության և նրա բնակիչների հարձակումներին: Պատասխան հարվածն ավարտվել է, առաքելությունը կատարվել է»,- ասվում է հաղորդագրության մեջ։
«Հետախուզական տվյալների համաձայն՝ ռազմաօդային ուժերի ինքնաթիռները հարվածներ են հասցրել արտադրական օբյեկտներին, որոնք օգտագործվում են հրթիռներ արտադրելու համար, որոնք Իրանը արձակել է Իսրայել Պետության վրա վերջին մեկ տարվա ընթացքում»,- ասվում է փաստաթղթում։
Նշվում է, որ այդ «հրթիռներն ուղղակի և անմիջական վտանգ էին ներկայացնում» Իսրայելի քաղաքացիների համար։
Հայտարարության մեջ նշվում է նաև, որ Իսրայելի պաշտպանության բանակը հարձակումներ է իրականացրել «երկիր-օդ» հրթիռների տեղակայման վրա։
«Իսրայել պետությունը իրեն իրավունք է վերապահում պաշտպանել իր քաղաքացիներին, եթե իրանական ռեժիմը շարունակի հարձակումները»:
Իսրայելական բանակը գնահատում է իրավիճակը և պատրաստ է պաշտպանական և հարձակողական գործողություններ իրականացնել։
