«Հանուն հայրենիքի» շարժումը լեգիտիմ շարժում է, որը պաշտպանում է Հայաստանի Հանրապետության քաղաքացիների եւ երկրի շահերը։ Այս մասին Ազգային ժողովում, ավանդական ճեպազրույցներում, մայիսի 23-ին ասել է «Հայաստան» ընդդիմադիր խմբակցության ղեկավար Սեյրան Օհանյանը։Խորհրդարանականի խոսքով՝ իրենք իրենց աջակցությամբ պետք է վերոնշյալ շարժումը դարձնեն անշրջելի։ Օհանյանն ընդգծել է, որ սահմանազատման եւ սահմանագծման գործընթացը իրականացվում է առկա ընթացակարգերի խախտմամբ եւ իրականում միակողմանի զիջում է։ «Եթե կան կոնֆլիկտներ, եւ մենք ձգտում ենք խաղաղության, նշանակում է՝ գործընթացը պետք է երկկողմանի լինի։ Պետք է սահմանվեն եւ պահպանվեն համապատասխան ընթացակարգեր։ Այլ խոսքով՝ երկու երկրների միջեւ պետք է համաձայնագիր կնքվի։ Ընդ որում՝ քարտեզները պետք է ճշտվեն։ Միայն դրանից հետո կարելի կլինի սկսել սահմանագծման գործընթացը։ Հայաստանի եւ Ադրբեջանի միջեւ ընթացող գործընթացները հատվածային են»,- նշել է Օհանյանը։
Սահմանազատման եւ սահմանագծման գործընթացը իրականացվում է առկա ընթացակարգերի խախտմամբ. «Հայաստան» դաշինք
23.05.2024 13:23 |
Կատեգորիա
Քաղաքական
