Իսրայելի հարձակումներից Լիբանանի տնտեսությանը հասցված վնասը կարող է գերազանցել 20 մլրդ դոլարը

25.10 11:15 | Կատեգորիա Տնտեսական

Լիբանանի տարածքում իսրայելական բանակի հարձակումներից տնտեսական վնասը կարող է գերազանցել 20 մլրդ դոլարը:
Այս մասին հայտնել է L ' Orient-Le Jour թերթը ՝ վկայակոչելով լիբանանցի փորձագետների եւ տնտեսագետների Independent Task Force for Lebanon խմբի զեկույցը:

Նրանց գնահատականներով ՝ Իսրայելի գործողությունների պատճառով դանդաղում է տնտեսական գործունեությունը Լիբանանի հարավում եւ Բեկաայի հովտում գտնվող տնտեսության հատվածների մեծ մասում, որտեղ բնակվում է երկրի բնակչության եւ աշխատուժի մեկ երրորդը:
Նշվում է, որ ավերվել և շարքից հանվել են Լիբանանի գյուղատնտեսական հողերի մոտ մեկ քառորդը և 50 հազար գրանցված ձեռնարկություններ, ինչը կազմում է երկրում դրանց ընդհանուր թվի մոտ 60 տոկոսը:
Զեկույցի համաձայն ՝ հրեական պետության հարձակումներից տնտեսական վնասը կարող է գերազանցել 20 մլրդ դոլարը ։
Փորձագետները կանխատեսում են, որ ռմբակոծության ենթարկված շրջաններում ծայրահեղ աղքատության մեջ ապրող լիբանանցիների մասնաբաժինը կարող է կրկնապատկվել և կազմել առնվազն 80 տոկոս ։
Սեպտեմբերի 23-ին Իսրայելը ձեռնամուխ է եղել Լիբանանում Հըզբոլլահ շիական շարժման կազմավորումների դեմ <<հյուսիսի նետեր>> գործողությանը, որի ընթացքում զանգվածային հարվածներ է հասցնում այդ շիական կազմակերպության ռազմական օբյեկտներին:
Հոկտեմբերի 24-ին Լիբանանի վարչապետ Նաջիբ Միքաթին միջազգային հանրությանը կոչ է արել անհապաղ մարդասիրական օգնություն ցուցաբերել իսրայելական ագրեսիայի հետևանքով տուժած իր երկրին:

Մայիսին Համաշխարհային բանկը հաղորդել էր, որ Լիբանանում աղքատության մակարդակը վերջին 10 տարիների ընթացքում 12 տոկոսից հասել է 44 տոկոսի ՝ երկրում ձգձգվող տնտեսական ճգնաժամի ֆոնին:

Ոչ մեկից էլ գոհ չեմ, էս անգամ գնալու եմ ընտրության՝ Վարդան Ղուկասյանին ընտրեմ․ քաղաքացիները՝ իշխանությունների մասին (տեսանյութ)

22.10 17:02 | Կատեգորիա Հասարակություն