ԱՄՆ նախագահ Դոնալդ Թրամփը ենթադրել է, որ Վենեսուելայի թմրամիջոցների կարտելները շուտով կսկսեն թմրանյութերի մաքսանենգությունը ցամաքային ճանապարհով, և չի բացառել, որ Վաշինգտոնը կարող է ուժ կիրառել նրանց գործունեությունը դադարեցնելու համար։
«Նրանք այլևս ծովով չեն գալիս, ուստի, մենք պետք է հսկենք ցամաքը, քանի որ նրանք ստիպված են լինելու գալ ցամաքով։ Եվ թույլ տվեք ասել ձեզ, որ դա լավ չի ավարտվելու նրանց համար», – ասել է Թրամփը Վիրջինիա նահանգի Նորֆոլկ քաղաքում գտնվող Ատլանտյան նավատորմի գլխավոր բազայում՝ ծառայության 250-ամյակի առթիվ։
Սպիտակ տան ղեկավարը նաև հայտարարել է, որ ԱՄՆ զինված ուժերը հարվածել են մեկ այլ նավակի, որը, ԱՄՆ-ի կարծիքով, թմրանյութեր էր տեղափոխում: «Այս նավակներից յուրաքանչյուրը պատասխանատու է 25,000 ամերիկացիների մահվան և նրանց ընտանիքների ոչնչացման համար:
Եթե այդպես մտածեք, մենք բարի գործ ենք անում, և մենք երեկ երեկոյան ևս մեկը արեցինք», – ասել է նա:
