Ուկրաինական անօդաչու թռչող սարքը (ԱԹՍ) հարված է հասցրել Բելգորոդում գտնվող առևտրային օբյեկտի։ Այս մասին իր Telegram ալիքում հայտնել է Բելգորոդի մարզպետ Վյաչեսլավ Գլադկովը։
Նրա խոսքով՝ վնասվել է չորս մարդ։ Ամուսինները ստացել են դեմքի և ձեռքերի վնասվածքներ, իսկ երկու կին՝ բարոտրավմա։ Տուժածներին տեղափոխել են հիվանդանոց՝ անհրաժեշտ բուժօգնություն ցուցաբերելու համար։
ԱԹՍ-ի պայթյունի արդյունքում հրդեհվել են սարքավորումները և ծածկը, որը շուտով մարվել է ԱԻՆ աշխատակիցների կողմից։ Նրանք նաև մարել են այրվող ծառը։
Վնասվել են առևտրային օբյեկտի ճակատային հատվածը և ապակեպատումը։ ԱԹՍ-ի բեկորների պատճառով վնասվել է ուղևորային ավտոմեքենայի թափքը։
Այսօր Գլադկովը հայտարարել է, որ Բելգորոդում անօդաչու սարքերի հարձակման պատճառով մինչև օրվա վերջ դադարեցվում է երեք առևտրի կենտրոնների և «Կենտրոնական շուկայի» բաց հատվածի աշխատանքը։
Հոկտեմբերի 4-ին Բելգորոդը և Բելգորոդի շրջանը ենթարկվել են ուկրաինական ԱԹՍ-ների մասշտաբային հարձակման։ Նրա խոսքով՝ հակաօդային պաշտպանության համակարգերը հաջողությամբ խոցել են թռչող սարքերը։ Այնուամենայնիվ, ընկած բեկորների հետևանքով Բելգորոդում այրվել են երկու ավտոմեքենա։
Թարգմանությունը՝ Euromedia24.com-ի
