Դաունինգ սթրիթի հայտարարության մեջ ասվում է, որ Չարլզ III թագավորը հաստատել է Սառա Մալալիի նշանակումը որպես Քենթերբերիի արքեպիսկոպոս՝ Անգլիկան եկեղեցու առաջնորդ։
«Թագավորը հաստատել է Քենթերբերիի տաճարի կանոնականների կոլեգիայի կողմից ընտրված պատվարժան տիկին Սառա Մալալիի թեկնածությունը՝ Քենթերբերիի լորդ արքեպիսկոպոսի պաշտոնում պատվարժան Ջասթին Պորտալ Ուելբիին փոխարինելու համար», - հայտնել է թագավորի ներկայացուցչի գրասենյակը։
Մալալին ոչ միայն կդառնա Անգլիայի եկեղեցու առաջին կին արքեպիսկոպոսը, այլև պատմության մեջ Քենթերբերիի ամենաերիտասարդ արքեպիսկոպոսը՝ 63 տարեկան հասակում: Ներկայումս Լոնդոնի եպիսկոպոսի պաշտոնը զբաղեցնող Մալալին իր պաշտոնը կստանձնի հունվարին:
Մալալլին առաջին անգամ ձեռնադրվել է 2001 թվականին, իսկ 2004 թվականին թողել է իր կարիերան Առողջապահության նախարարությունում՝ լրիվ դրույքով ծառայության անցնելու համար Լոնդոնի Սաթոն թաղամասում:
