Մյունխենի օդանավակայանը դադարեցրել է թռիչքները մի քանի անօդաչու թռչող սարքերի հայտնաբերումից հետո։
Հոկտեմբերի 2-ի երեկոյան Գերմանիայի օդային երթևեկության վերահսկողության ծառայությունը սահմանափակեց, ապա ամբողջությամբ կասեցրեց Մյունխենի օդանավակայանում թռիչքները՝ մի քանի անօդաչու թռչող սարքերի նկատման պատճառով։
«Արդյունքում, այդ երեկոյան Մյունխենից չկարողացավ մեկնել 17 չվերթ, ինչը ազդեց գրեթե 3000 ուղևորի վրա», – ասվում է Մյունխենի օդանավակայանի կայքում տեղադրված հայտարարության մեջ։Նշվում է, որ ժամանող 15 չվերթներ վերաուղղորդվել են դեպի Գերմանիայի և Ավստրիայի այլ քաղաքներ։
