Ռուսաստանի նախագահ Վլադիմիր Պուտինն այսօր ելույթ է ունեցել «Վալդայ» քննարկման ակումբի տարեկան նիստում։ Նրա մամուլի քարտուղար Դմիտրի Պեսկովը նախկինում հայտարարել էր, որ ամբողջ աշխարհը անհամբեր սպասում էր նրա ելույթին։
Նիստի ընթացքում Պուտինը նշել է, որ ԱՄՆ նախագահ Դոնալդ Թրամփի՝ Ռուսաստանին «թղթե վագր» անվանելու հայտարարությունը, հնարավոր է, հեգնական է եղել։ Նիստի ընթացքում մոդերատոր Ֆյոդոր Լուկյանովը կատակով առաջարկել է Ռուսաստանի առաջնորդին Թրամփին թղթե վագրի կտորներ տալ։ «Ոչ, մենք ունենք մեր սեփական հարաբերությունները. մենք գիտենք, թե ինչ տալ միմյանց։ Մենք շատ հանգիստ ենք վերաբերվում դրան։ Ես չգիտեմ, թե ինչ համատեքստում է ասվել սա. հնարավոր է՝ դա ասվել է հեգնականորեն»- ասել է նա։
