Շաբաթ օրը Վրաստանի քաղաքացիները կընտրեն քաղաքների և մունիցիպալիտետների քաղաքապետեր, ինչպես նաև մունիցիպալ կառավարման մարմինները ներկայացնող սակրեբուլոյի (քաղաքային ժողովների) անդամներին։Քաղաքապետեր կընտրվեն հինգ ինքնակառավարվող քաղաքներում՝ Թբիլիսիում, Քութայիսում, Բաթումիում, Ռուսթավիում և Փոթիում, ինչպես նաև 59 համայնքներում: Երկրի 64 քաղաքային ժողովներում 2058 պատգամավոր կընտրվի և՛ համամասնական, և՛ մեծամասնական ընտրակարգերով: Թբիլիսիի սակրեբուլոն, մասնավորապես, բաղկացած է 50 անդամից, որոնցից 25-ը ընտրվում են համամասնական կուսակցական ցուցակներով, իսկ 25-ը՝ մեծամասնական ընտրակարգով։
Այսպիսով, ընտրողները պետք է իրենց քվեաթերթիկներում նշեն երեք սյունակ՝ ընտրել քաղաքապետ, քվեարկել կուսակցության օգտին՝ սակրեբուլոյի տեղերի համամասնական բաշխման համար, և քվեարկել իրենց շրջանի մեծամասնական թեկնածուի օգտին՝ մեծ քաղաքում կամ գյուղում։
Քաղաքային և մունիցիպալ քաղաքապետերը կընտրվեն առաջին փուլում, եթե նրանք ստանան ձայների 50%-ից ավելին:Կուսակցությունները պետք է հաղթահարեն 4% շեմը՝ համամասնական համակարգով սակրեբուլո (քաղաքային խորհուրդ) մտնելու համար:
Կհաղթի յուրաքանչյուր շրջանի մեծամասնական թեկնածուներից ամենաշատ ձայներ ստացած թեկնածուն:
