Իսրայելի արտաքին գործերի նախարարության մամուլի ծառայությունը հայտնել է, որ «Սումուդ» մարդասիրական նավատորմի մի քանի նավեր, որոնք ուղևորվում էին դեպի Գազայի հատված, կանգնեցվել են, իսկ ուղևորներին տեղափոխել են իսրայելական նավահանգիստ։«ՀԱՄԱՍ-ի «Սումուդ» նավատորմի մի քանի նավեր արդեն անվտանգ կերպով կանգնեցվել են, իսկ նրանց ուղևորներին տեղափոխել են իսրայելական նավահանգիստ», -ասվում է հայտարարության մեջ։Ավելի վաղ գերատեսչությունը հայտնել էր, որ Իսրայելի ռազմածովային ուժերը խնդրել են «Սումուդ» նավատորմին «փոխել ուղղությունը», քանի որ «այն մոտենում է ակտիվ մարտական գործողությունների գոտուն և խախտում է Գազայի հատվածի օրինական ծովային շրջափակումը»։
Արտաքին գործերի նախարարության մամուլի ծառայությունը հայտարարել է, որ Իսրայելը, Իտալիան, Հունաստանը և Երուսաղեմի Լատինական պատրիարքությունը «առաջարկել և շարունակում են առաջարկել նավատորմին Գազա խաղաղ ճանապարհով ցանկացած հնարավոր օգնություն հասցնելու եղանակներ», սակայն «նավատորմը հրաժարվել է, քանի որ նրանք հետաքրքրված են ոչ թե օգնություն հասցնելով, այլ՝ սադրանքով»։
Ավելի վաղ նավատորմի ներկայացուցիչները հայտնել էին, որ իրենց նավերը գտնվում են պաղեստինյան անկլավից մոտավորապես 75 ծովային մղոն հեռավորության վրա, և որ ռադարները «ավելի քան 20 անհայտ նավեր» են հայտնաբերել ընդամենը 3 ծովային մղոն հեռավորության վրա։
