Կանադայի իշխանությունները որոշել են վերականգնել Իրանի դեմ ՄԱԿ-ի Անվտանգության խորհրդի կողմից նախկինում չեղարկված պատժամիջոցները, ասվում է Կանադայի արտաքին գործերի նախարարության հայտարարության մեջ։
«Կանադայի արտաքին գործերի նախարար, Անիտա Անանդը այսօր հայտարարեց ՄԱԿ-ի Իրանի վերաբերյալ բանաձևերի կատարման կանոնակարգում փոփոխությունների մասին, որոնք վերականգնում են ՄԱԿ-ի Անվտանգության խորհրդի կողմից Իրանի նկատմամբ նախկինում չեղարկված պատժամիջոցները՝ ի պատասխան երկրի շարունակական միջուկային գործունեության», - ասվում է նախարարության կայքում։
Սեպտեմբերի վերջին վերականգնվեցին ՄԱԿ-ի Անվտանգության խորհրդի բանաձևերը, որոնք Իրանի դեմ պատժամիջոցներ էին սահմանում, որոնք չեղարկվել էին 2015 թվականի միջուկային համաձայնագրով: Ֆրանսիան, Մեծ Բրիտանիան և Գերմանիան նախաձեռնեցին միջազգային սահմանափակող միջոցառումների վերականգնումը:
