Փարիզի ոստիկանությունը մինչև 5000 ոստիկան կտեղակայի Ֆրանսիայի մայրաքաղաքում և հարակից արվարձաններում՝ հոկտեմբերի 2-ին արհմիությունների ցույցի ժամանակ կարգուկանոնը պահպանելու համար: Այս մասին LCI հեռուստատեսությամբ հայտարարել է Փարիզի ոստիկանապետ Լորան Նունյեսը:
«Յուրաքանչյուր անգամ, երբ տեղի են ունենում միջմիութենական խոշոր բողոքի ցույցեր, մենք բախվում ենք խուլիգանների խմբերի ի հայտ գալուն», - ասել է Նունյեսը՝ մանրամասնելով, որ սովորաբար խոսքը անկարգությունների «մի քանի հարյուր» հրահրողների մասին է։
Նախատեսվում է Փարիզում և արվարձաններում տեղակայել մոտավորապես 5000 ոստիկան։ Իրավապահ մարմինները կմիջամտեն՝ ցրելու այս ռիսկի խմբակներին և թույլ կտան արհմիութենական երթն ընթանալ հնարավորինս հանգիստ միջավայրում։
