Գերմանիայի տրանսպորտի նախարար Պատրիկ Շնայդերը, որը երեքշաբթի օրը Բեռլինում կառավարության նիստի ժամանակ ուշաթափվել էր և շտապ տեղափոխվել հիվանդանոց, կայուն վիճակում է և տանն է, հայտարարել է Գերմանիայի կանցլեր Ֆրիդրիխ Մերցը Բեռլինում կառավարության նիստից առաջ։
«Նա տանն է, նրա վիճակը կայուն է, բայց դեռ մի փոքր վերականգնվելու կարիք ունի։ Ամեն ինչ լավ է», - կանցլերի խոսքերն է մեջբերում DPA լրատվական գործակալությունը։
Սեպտեմբերի 30-ին Գերմանիայի կաբինետի խոսնակ Ստեֆան Կոռնելիուսը հայտնեց, որ Շնայդերը գիտակցությունը կորցրել է բանակցությունների սեղանի շուրջ՝ Բեռլինի Բորսիգ-Ռեյերվերդեր առանձնատանը Գերմանիայի կառավարության արտագնա նիստի ժամանակ։
