Հնդկաստանը և Ռուսաստանը հոկտեմբերի 1-15-ը կանցկացնեն համատեղ ցամաքային զորքերի զորավարժություններ՝ «Ինդրա 2025»-ը։ Այս մասին ՏԱՍՍ-ին հայտնել են Նյու Դելիում Ռուսաստանի դեսպանատնից։
Զորավարժությունները տեղի կունենան Հնդկաստանի արևմտյան Ռաջաստան նահանգի անապատային պայմաններում՝ Բիկաներ քաղաքի մոտ։ Զորավարժություններին կմասնակցի մոտ 250 ռուս զինծառայող։
«Համատեղ զորավարժությունները հաստատում են Մոսկվայի և Նյու Դելիի միջև հատուկ, արտոնյալ ռազմավարական գործընկերության բնույթը», – նշել են դիվանագիտական առաքելությունում։
