Գերմանիայի կանցլեր Ֆրիդրիխ Մերցը ողջունել է ԱՄՆ նախագահ Դոնալդ Թրամփի՝ Գազայի հակամարտության կարգավորման ծրագիրը և կոչ է արել պաղեստինյան ՀԱՄԱՍ շարժմանը ընդունել այն, լրագրողներին հայտարարել է Գերմանիայի կաբինետի խոսնակ Ստեֆան Կոռնելիուսը։
«Գերմանիայի կանցլերը ողջունեց նախագահ Թրամփի կողմից երեկ ներկայացված Գազայի խաղաղության ծրագիրը։ Այս ծրագիրը լավագույն հնարավորությունն է դադարեցնելու 2023 թվականի հոկտեմբերի 7-ից ի վեր ընթացող պատերազմը։ Իսրայելի կողմից այս ծրագրին աջակցությունը նշանակալի քայլ է դեպի առաջ։ Հիմա Համասը պետք է համաձայնվի և մաքրի խաղաղության ճանապարհը», - ասել է Կոռնելիուսը։
