Միացյալ Թագավորությունը ողջունում է ԱՄՆ նախագահ Դոնալդ Թրամփի՝ Գազայի հակամարտության կարգավորման ծրագիրը և կոչ է անում արմատական պաղեստինյան ՀԱՄԱՍ շարժմանը ընդունել այն, ասվում է Մեծ Բրիտանիայի վարչապետ Քիր Սթարմերի հայտարարության մեջ։
«Գազայում պատերազմը դադարեցնելու ԱՄՆ նոր նախաձեռնությունը շատ ողջունելի է, և ես շնորհակալ եմ նախագահ Թրամփին իր առաջնորդության համար։ Մենք վճռականորեն աջակցում ենք նրա ջանքերին՝ դադարեցնելու մարտական գործողությունները, ազատ արձակելու պատանդներին և անհապաղ մարդասիրական օգնություն տրամադրելու Գազայի ժողովրդին։
Մենք կոչ ենք անում բոլոր կողմերին միավորվել և համագործակցել ԱՄՆ վարչակազմի հետ՝ համաձայնագիրը վերջնականապես կնքելու և այն իրականացնելու համար», – ասել է բրիտանական կառավարության ղեկավարը՝ ըստ նրա գրասենյակի հաղորդագրության։
Նա հավելել է, որ Լոնդոնը, իր գործընկերների հետ, կաշխատի Գազայում «մշտական հրադադարի» հասնելու ուղղությամբ։
