Հունգարիան արգելափակել է ուկրաինական 12 ինտերնետային պորտալ՝ ի պատասխան Կիևի կողմից գրաքննության, հայտարարել է Հունգարիայի վարչապետի գրասենյակի ղեկավար Գերգելի Գուլյասը։
«Հունգարիայի արձագանքը ուկրաինական գրաքննությանը։ Ուկրաինան, որը ձգտում է անդամակցել Եվրամիությանը, արգելափակեց արտասահմանյան ինտերնետային պորտալները, այդ թվում՝ հունգարականները, քանի որ դրանք համարձակվեցին քննադատաբար գրել հակառուսական պատժամիջոցների քաղաքականության, Ուկրաինային զինված աջակցության մասին և համարձակվեցին ԵՄ-ն ու ՆԱՏՕ-ն ներկայացնել որպես բաժանված և անարդյունավետ կազմակերպություններ», - գրել է Գուլյաշը Ֆեյսբուքում։
Քաղաքական գործիչը շեշտել է, որ Հունգարիան, փոխադարձության սկզբունքին համապատասխան, «այսօրվանից սկսած հայելային միջոցառումներ է ներդնում ուկրաինական լրատվական կայքերի դեմ, ուստի, դրանք հասանելի չեն լինի Հունգարիայի ներսում»։
«Չեմ կարծում, որ շատ մարդիկ կկարդան «Ուկրաինսկա պրավդա» կամ կցանկանան կարդալ։ Այնուամենայնիվ, ինքնիշխան երկիրը պետք է համաչափ պատասխան տա բացարձակապես անհիմն հարձակմանը», - հավելել է Գույաշը՝ թվարկելով ուկրաինական 12 առցանց լրատվամիջոցներ։
