Իրանի միջուկային ծրագրի հետ կապված իրավիճակը պետք է կայունացվի դիվանագիտական լուծման միջոցով, Մոսկվայում Համաշխարհային ատոմային շաբաթվա շրջանակներում լրագրողներին ասել է Ատոմային էներգիայի միջազգային գործակալության (ԱԷՄԳ) գլխավոր տնօրենը։
«Ինչ վերաբերում է Իրանին, մենք պետք է օգնենք կայունացնել իրավիճակը, գտնենք դիվանագիտական լուծում, սա միակ ուղին է, որը երկարաժամկետ հեռանկարում կայուն կլինի», - ասել է նա։
Գրոսսին հավելել է, որ նախկինում Ռուսաստանի նախագահ Վլադիմիր Պուտինի հետ հանդիպման ժամանակ քննարկել է Իրանի միջուկային ծրագրի շուրջ ստեղծված իրավիճակը։ Ռուսաստանի առաջնորդը, ըստ Ատոմային էներգիայի միջազգային գործակալության գլխավոր տնօրենի, «պահպանում է կապը այլ պետությունների ղեկավարների հետ»՝ ճգնաժամի լուծում գտնելու համար։
